వైసీపీకి స్పీకర్ అయ్యన్నపాత్రుడు సవాల్: అసెంబ్లీలో తేల్చుకుందాం రండి

ఆంధ్రప్రదేశ్ రాష్ట్ర అసెంబ్లీ స్పీకర్ అయ్యన్నపాత్రుడు వైసీపీ నేతలకు కీలక సూచనలు చేశారు.

వైసీపీ సభ్యులు అసెంబ్లీ సమావేశాలకు హాజరైతే, వారి ప్రశ్నలకు మంత్రులతో సమాధానాలు ఇప్పించే పూర్తి బాధ్యత తనదేనని ఆయన స్పష్టం చేశారు.

డీఎస్సీ, ఇతర ముఖ్యమైన ప్రజా సమస్యలపై కేవలం బయట విమర్శలు చేయడం సరికాదని, నిజంగా ఏవైనా అనుమానాలు ఉంటే సభలో అడిగి నివృత్తి చేసుకోవాలని హితవు పలికారు.మాజీ ముఖ్యమంత్రి వైఎస్ జగన్‌మోహన్ రెడ్డికి ప్రతిపక్ష హోదా ఇవ్వాలనే డిమాండ్‌పై కూడా స్పీకర్ ఆసక్తికర వ్యాఖ్యలు చేశారు.

2019లో టీడీపీకి 23 మంది ఎమ్మెల్యేలు ఉన్నప్పుడు, వారిలో ఐదుగురు, ఆరుగురిని తమ వైపు తిప్పుకుంటే చంద్రబాబు నాయుడుకి ప్రతిపక్ష నేత హోదా కూడా దక్కదని అప్పట్లో జగన్ చేసిన వ్యాఖ్యలను ఈ సందర్భంగా స్పీకర్ గుర్తు చేశారు.